உத்தியோக முன்னேற்றம் உண்டு. இன்றைய நாள் உங்களுக்கு எப்படி?

மேஷம்

நண்பர்கள் மூலம் நல்ல தகவல் கிடைக்கும் நாள். தொழில் முன்னேற்றம் ஏற்படும். தொகை வரவு திருப்தி தரும். பாராட்டும், புகழும் அதிகரிக்கும். நூதனப் பொருள் சேர்க்கை உண்டு.

ரிஷபம்

மனக்குழப்பங்கள் அதிகரிக்கும் நாள். கூட இருப்பவர்களால் தொல்லை ஏற்படலாம். நண்பர்கள் தொடர்பான சில காரியங்களுக்காக அலைச்சல்களைச் சந்திப்பீர்கள். வரவைக் காட்டிலும் செலவு கூடும்.

மிதுனம்

செவி குளிரும் செய்தி வந்து சேரும் நாள். சொன்ன சொல்லைக் காப்பாற்றி மகிழ்வீர்கள். தொழிலில் எதிர்பாராத லாபம் கிடைக்கும். வெளிவட்டாரப் பழக்க வழக்கம் மகிழ்ச்சி தரும். நட்பால் நன்மை உண்டு.

கடகம்

உறவினர்களின் சந்திப்பால் உள்ளம் மகிழும் நாள். பேச்சுத் திறமையால் சூழ்ச்சிகளிலிருந்து விடுபடுவீர்கள். அக்கம், பக்கத்து வீட்டாரின் பகை மாறும். மாலையில் மகிழ்ச்சிப் பயணம் உண்டு.

சிம்மம்

கனிவாகப் பேசிக் காரியங்களைச் சாதித்துக்கொள்ள வேண்டிய நாள். சொந்த பந்தங்களின் வருகை உண்டு. பாதியில் நின்ற கட்டிடப்பணி மீதியும் தொடரும். திருமணப் பேச்சுகள் நல்ல முடிவிற்கு வரும்.

கன்னி

நல்லவர்களைச் சந்தித்து நலம் காணும் நாள். தொழில் வளர்ச்சி திருப்தி தரும். ஆரோக்கியம் சீராக ஆனந்தப்படுத்தும். பெண்வழிப் பிரச்சினைகள் நல்ல முடிவிற்கு வரும். நூதனப் பொருள் சேர்க்கை உண்டு.

துலாம்

பஞ்சாயத்துகள் சாதகமாக முடியும் நாள். பணியாளர் தொல்லை அகலும். பணத்தேவைகள் உடனுக் குடன் பூர்த்தியாகும். பிள்ளைகளால் உதிரி வருமானம் வந்த சேரும். உத்தியோக முன்னேற்றம் உண்டு.

விருச்சிகம்

தொட்ட காரியங்களில் வெற்றி கிட்டும் நாள். வரவு திருப்தி தரும். வாழ்க்கைத் தேவைகளைப் பூர்த்தி செய்து கொள்வீர்கள். பொதுவாழ்வில் புகழ் கூடும். பெற்றோர்களின் பாசமழையில் நனைவீர்கள்.

தனுசு

வம்பு வழக்குகளைச் சமாளித்து வளம் காணும் நாள். பொருளாதார முன்னேற்றம் கருதி எடுத்த முயற்சி வெற்றி பெறும். அரை குறையாக நின்ற பணிகளை மீதியும் செய்து முடிப்பீர்கள்.

மகரம்

விடாமுயற்சிக்கு வெற்றி கிட்டும் நாள். வீடு வாங்கும் யோகம் உண்டு. வாழ்க்கைத் தேவைகள் பூர்த்தியாகும். ஊக்கத்தோடும், உற்சாகத்தோடும் பணிபுரிவீர்கள். திருமண முயற்சி வெற்றி தரும்.

கும்பம்

வளர்ச்சி கூடும் நாள். வாங்கல்-கொடுக்கல்களை ஒழுங்கு செய்து கொள்வீர்கள். கொடுத்த வாக்கைக் காப்பாற்ற நண்பர்கள் கடைசி நேரத்தில் கைகொடுத்து உதவுவர். பயணத்தால் பலன் உண்டு.

மீனம்

சுபவிரயம் ஏற்படும் நாள். சுற்றியிருப்பவர்களை அனுசரித்துச் செல்வது நல்லது. அலைச்சலுடன் கூடிய ஆதாயம் கிடைக்கும். தொழிலில் பணியாளர்களை மாற்றம் செய்வது பற்றிச் சிந்தப்பீர்கள்.